Dörejilik bäsleşigi üstünlikli geçirildi
2024-nji ýylyň 4-nji oktýabrynda Türkmenistanyň Daşary işler ministrliginiň Halkara gatnaşyklary institutynda Türkmenistanyň tebigaty goramak jemgyýeti we bu ýokary okuw mekdebiň guramagynda «Ýaşlar we tebigat: Türkmenistanyň tebigatyny goramakda ýaşlaryň mümkinçilikleri» aýdym – sazly döredijilik bäsleşigi geçirildi.
Bäsleşigiň dowamynda Türkmenistanyň ekologik abadançylygy babatyndaky başlangyçlaryny ilerletmek, bu ugurda daşary ýurtly hyzmatdaşlar bilen netijeli gatnaşyklary ösdürmek boýunça çäreleriň amala aşyrylmagynyň zerurlygy hakynda gürrüňler edildi. Şeýle hem, tebigaty aýawly saklamak halkymyzyň köpasyrlyk däpleriniň täzeçe dowam etmegine giň ýollary açýan hormatly Prezidentimiziň parasatly baştutanlygynda ekologiýa howpsuzlygynyň üpjünçiligi döwlet syýasatynyň esasy ugurlarynyň biri hökmünde kesgitlenendigi dogrusynda talyp ýaşlar rus we iňlis dillerinde emin agzalar tarapyndan berilen soraglara giňişleýin jogap berdiler.
Şeýle bäsleşikleriň «Pähim paýhas ummany – Magtymguly Pyragy» ýylynda yzygiderli geçirilmegi durmagy Watançylyk duýgularyny ösdürmeklige we ýurdumyzyň ekologik abadançylygyny kämilleşdirmeklige itergi berer.
Täsirli geçen aýdym – sazly döredijilik bäsleşigine institutymyzyň 2-nji ýyl talyplary gatnaşyp, olaryň arasyndan has tapawutlanan talyplara Türkmenistanyň tebigaty goramak jemgyýetiniň adyndan Hormat hatlary we ýadygärlik sowgatlar gowşuryldy.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.