Döredijilik duşuşygy
2022-nji ýylyň 10-njy dekabrynda Türkmenistanyň Daşary işler ministrliginiň Halkara gatnaşyklary institutynda “Diplomat Magazine” Halkara maglumat serişdesiniň uly diplomatik maslahatçysy Henri Estramantyň, “Diplomat Magazine” Halkara maglumat serişdesiniň diplomatik maslahatçysy Robert Suziçiň, şeýle-de institutyň professor mugallymlarynyň we talyplarynyň gatnaşmagynda döredijilik duşuşygy geçirildi.
Duşuşykda myhmanlar diplomatiýada hem-de halkara gatnaşyklarynda dil biliminiň aýratynlyklary we möhümligi dogrusynda çykyş etdiler. Mundan başga-da, duşuşygyň dowamynda Türkmenistanyň ulag diplomatiýasynyň ýeten sepgitleri barada giňişleýin gürrüň edilip, halkara gatnaşyklarynda ulag diplomatiýasynyň orny we onuň ähmiýeti barada gyzykly maglumatlar berildi. Duşuşygyň ahyrynda gatnaşyjylar özlerini gyzyklandyrýan sowallary bilen myhmanlara ýüzlendiler.
Gurbanjemal EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň IV ýyl talyby.