Diplomatik protokol we etiket boýunça okuw sapagy
2023-nji ýylyň 22-nji noýabrynda Türkmenistanyň Daşary işler ministrliginiň Halkara gatnaşyklary institutynda diplomatik protokol we etiket boýunça okuw sapagy geçirildi. Okuw sapagyny amerikan bilermeni, diplomatik protokol we etiket boýunça hünärmen John Simpson alyp bardy. Sapaga Halkara žurnalistikasy fakultetiniň talyplary gatnaşdy.
Sapagyň dowamynda John Simpson diplomatik protokolyň kadalaryny bilmegiň halkara gatnaşyklaryny kadalaşdyrmakda örän möhümdigini öz tejribeleriniň üsti bilen giňişleýin düşündirdi. Şeýle hem myhman talyplary sapak bilen baglanyşykly goşmaça edebiýatlar bilen tanyşdyrdy. Sapagyň ahyrynda talyplar hünärmenden diplomatik protokol we etiket barada özlerini gyzyklandyrýan sowallar bilen ýüzlenip, kanagatlanarly jogaplary aldylar.
Gülkamar SAPAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
I ýyl talyby.