Dil baýramçylygy
Institutymyzyň Dünýä dilleri kafedrasynyň «Lingvo World» gurnagynyň çäginde sentýabr aýynyň 24-den oktýabr aýynyň 1-i aralygy hytaý dili hepdeligi geçirildi. Hepdelik sentýabr aýynyň 24-ne açyk sapak bilen başlandy. Sapakda, esasan, diliň aýratynlygyny, öwrenmek üçin çemeleşmeleriň täsirlisi dogrusynda gürrüň edildi. Şeýle hem gyzykly maglumatlara üns çekildi.
Hytaý dili we onuň medeniýeti bilen tanyşlyk üçin jemleýji duşuşyk çäresi has-da mana baý boldy. Onda «Çyn-maçynda şeýle däp bar» we «Men iýeroglif ýazyp bilýärin» diýen temada talyplaryň özbaşdak taýýarlan işlerine seredildi. Bu çäräni, esasan, diliň aýratynlygy, medeniýeti we taryhy bilen bagly çykyşlar bezedi. Gyzykly sorag-jogap alşyldy. Başarnykly talyplar saýlanyldy. Umuman, hepdeligiň barşynda hytaý diliniň aýratynlygyny düşündirmek we bu ülkäniň täsirli taraplaryny açyp görkezmek ýerine düşdi.
Mähriban GELENOWA,
Türkmenistanyň Daşary işleri ministrliginiň
Halkara gatnaşyklary institutynyň uly mugallymy.