Daşary ýurt dillerini kämil öwretmegiň ýolunda
Türkmenistanyň Prezidentiniň bilimli, ylymly, giň dünýägaraýyşly, döwrümize mynasyp, kämil nesli kemala getirmek barada öňde goýan wezipelerinden, Türkmenistanyň Prezidentiniň Karary bilen tassyklanan “Türkmenistanda sanly bilim ulgamyny ösdürmegiň Konsepsiýasyndan”, “Türkmenistanda daşary ýurt dillerini okatmagy kämilleşdirmegiň Konsepsiýasyndan” ugur alyp, olary durmuşa ornaşdyrmak boýunça geçirilmeli çäreleriň Meýilnamasyny ýerine ýetirmegiň çäklerinde Türkmenistanyň Daşary işler ministrliginiň Halkara gatnaşyklary institutynda 2022-nji ýylyň 2-nji iýulynda institutyň ähli talyplarynyň arasynda Sanly bilim portalynyň üsti bilen Hünäri boýunça iňlis dili we Hünäri boýunça rus dili dersleri boýunça test geçirildi.
Şeýle testiň geçirilmeginiň maksady “Türkmenistanda daşary ýurt dillerini okatmagy kämilleşdirmegiň Konsepsiýasyny” durmuşa ornaşdyrmagyň Meýilnamasynyň wezipelerini ýerine ýetirmek, “Türkmenistanda sanly bilim ulgamyny ösdürmegiň Konsepsiýasyny” durmuşa ornaşdyrmagyň Meýilnamasynyň wezipelerini amala aşyrmak, daşary ýurt dillerini suwara bilýän zehinli talyp ýaşlary ýüze çykarmak talyplaryň iňlis we rus dilini bilişiniň umumy derejesini barlamak, daşary ýurt dillerini kämil bilýän zehinli ýaşlary ýüze çykarmak we ukyplaryny açyp görkezmek bolup durýar. Test sanly bilim portaly arkaly geçirildi. Talyplara 50 sany sorag hödürlendi, onuň ýerine ýetirilmegine 50 minut wagt berildi.
Bu testiň netijeleri her bir talybyň geljekde öz üstünde işlemäge we daşary ýurt dillerine kämil erk etmekdäki talaplara mynasyp jogap bermäge, şeýle-de öňde goýan maksatlaryna üstünlikli ýetmäge ýardam eder.
Sona HALYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
IV ýyl talyby.