Dabara beslenen şanly baýramçylyk
2021-nji ýylyň 21-nji sentýabrynda Türkmenistanyň Daşary işler ministrliginiň Halkara gatnaşyklary institutynyň uly zalynda “Arkadagly Diýarda toý toýlaýar halkymyz” atly baýramçylyk dabarasy geçirildi. Türkmenistanyň Zenanlar birleşiginiň Merkezi geňeşi we “Ýaş žurnalistler” ylmy-döredijilik gurnagy tarapyndan gurnalan çärä institutyň talyp ýaşlary, “Ýaş žurnalistler” ylmy-döredijilik gurnagynyň agzalary hem-de habar beriş serişdeleriniň wekilleri gatnaşdylar.
Dabaranyň başynda şanly Garaşsyzlygymyzyň 30 ýyllygyny mynasyp garşylamak ugrunda gözel Diýarymyzda we institutymyzda alnyp barylýan işler baradaky täsirli maglumatlar bilen tanşyldy. Talyplar hormatly Prezidentimiziň mukaddes Garaşsyzlygymyza bagyşlanan nurana eserleriniň özlerinde galdyran ýakymly eserleri barada gyzykly gürrüň berdiler. Soňra ýokary okuw mekdebiniň çeper höwesjeňleri Garaşsyz, Arkadagly Watanymyzy joşgunly wasp edýän aýdymdyr, tanslar bilen çykyş etdiler.
Dabaranyň ahyrynda oňa gatnaşyjylar baýramçylyk dabaralaryny döwrebap geçirmäne döredip berýän mümkinçilikleri üçin Gahryman Arkadagymyza alkyş sözlerini aýtdylar.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.