“BREÝN RING” BÄSLEŞIGI GEÇIRILDI
2024-nji ýylyň 11-nji dekabrynda Türkmenistanyň Daşary işler ministrliginiň Halkara gatnaşyklary institutynda Adam hukuklarynyň Ählumumy Jarnamasynyň 76 ýyllygy mynasybetli institutyň Halkara hukugy we deňeşdirme hukuk öwreniş kafedrasynyň “Ýaş hukukçylar” ylmy gurnagynyň guramagynda fakultetleriň talyplarynyň arasynda “Breýn ring” bäsleşigi geçirildi.
Bäsleşigiň esasy maksady, halkara hukugynda adam hukuklarynyň ornuny hem-de ýurdumyzda adam hukuklaryny we azatlyklaryny goramak babatynda alnyp barylýan işler boýunça ýaşlaryň bilimlerini artdyrmaga gönükdirilendir. Bäsleşigiň şertlerine laýyklykda, institutyň fakultetleriniň talyplaryndan düzülen toparlar gatnaşyp, eminleriň çykaran netijelerine görä, Halkara ykdasady gatnaşyklary fakultetiniň talyplary I orna, Halkara gatnaşyklary fakultetiniň talyplary II orna, Halkara žurnalistika fakultetiniň talyplary III orna mynasyp boldular.
Ýeňijiler Türkmenistanyň Daşary işler ministrliginiň Halkara gatnaşyklary institutynyň Hormat hatlary we ýadygärlik sowgatlary bilen sylaglanyldy.
Merdan HANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň I ýyl talyby.