BMG-nyň Neşe serişdelerine we jenaýat gullugynyň çygrynda derwaýys meseleleriň ara alnyp maslahatlaşylmagy
2021-nji ýylyň 30-njy iýunynda BMG-niň Neşe we jenaýatçylyk baradaky müdirliginiň (UNODC) guramagynda ýaşlaryň arasynda jenaýatyň öňüni almak boýunça pikir alyşmak maksady bilen, Türkmenistanyň Bilim ministrliginiň, Türkmenistanyň Daşary işler ministrliginiň, Türkmenistanyň Daşary işler ministrliginiň Halkara gatnaşyklary institutynyň, Halkara ynsanperwer ylymlary we ösüş uniwersitetiniň, ýurdumyzyň orta mekdepleriniň mugallymlarynyň we Türkmenistanyň habar beriş serişdeleriniň wekilleriniň gatnaşmagynda “Jenaýatyň adyl kazyýetligi hem-de jenaýatyň we korrupsiýanyň öňüni almak” atly maksatnamasynyň çäklerinde duşuşyk maslahaty geçirildi.
Bu duşuşyk gibrid görnüşinde geçirilip, duşuşygyň dowamynda ýurdumyzyň ýokary okuw mekdepleriniň wekilleriniň, orta mekdepleriniň mugallymlarynyň çykyş etmeklerinde özleriniň alyp barýan işleri dogrusynda prezentasiýalar diňlenildi. Duşuşygyň dowamynda halkara guramalaryň wekilleriniň, şeýle hem daşary ýurtly wekilleriniň, ýagny Özbegistan Respublikasynyň we Gazagystan Respublikasynyň wekilleri hem özleriniň taýýarlan prezentasiýalary bilen çykyş etdiler.
“Adalat üçin bilim” diýlip atlandyrylýan okuw maksatnamasy UNODC tarapyndan ÝUNESCO bilen hyzmatdaşlykda BMG-niň 2015-nji ýylda Doha şäherinde (Katar) geçirilen “Jenaýatyň öňüni almak we Jenaýat kazyýeti” baradaky 13-nji Kongresiň kararyna laýyklykda işlenip düzüldi. Bu Kongresde kabul edilen Doha Jarnamasy çagalar we ýaşlar üçin bilimiň kanunyň hökmürowanlygyny, jenaýatyň öňüni almak we hukuk medeniýetini ösdürmek üçin möhümdigini görkezýar. Muny goldap, Doha Jarnamasynyň çäklerinde UNODC tarapyndan başlangyç we orta bilim edaralarynda alnyp barylýan işleri ösdürmek we ýaýratmak üçin işlenilip düzüldi. Şu aýdylanlardan ugur alyp, bu maksatnamanyň çäklerinde geljekde ýerine ýetirilmeli işler dogrusynda hem gürrüňdeşlik edildi.
Dürli BALLYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme hukuk
öwreniş kafedrasynyň mugallymy.