“Bitaraplyk we halkara hukugy” atly halkara hukugynyň meseleleri boýunça çekişmeleri hem-de halkara guramalaryň model sessiýalarynyň DÜZGÜNNAMASY
Türkmenistanyň Bilim ministrliginiň, Türkmenistanyň Magtymguly adyndaky Ýaşlar guramasynyň Merkezi Geňeşiniň, Türkmenistanyň Daşary işler ministrliginiň Halkara gatnaşyklary institutynyň bilelikde guramagynda Türkmenistanyň BMG-niň Baş Assambleýasynda 2028-nji ýyly
“Halkara hukugyň ýyly” diýip yglan etmek baradaky başlangyjynyň öňe sürülmegi hem-de Halkara Bitaraplyk güni mynasybetli 2026-njy ýylyň dekabr aýynyň I ongünlüginde ýurdumyzyň ýokary okuw mekdepleriniň talyplarynyň we magistrleriniň arasynda geçiriljek “Bitaraplyk we halkara hukugy” atly halkara hukugynyň meseleleri boýunça çekişmeleri hem-de halkara guramalaryň model sessiýalarynyň
DÜZGÜNNAMASY
Türkmenistanyň parahatsöýüjilikli daşary syýasat ugruny dabaralandyrmak hem-de ýaş nesilleriň hukuk we parahatçylyk medeniýetini ýokarlandyrmak maksady bilen, Türkmenistanyň Bilim ministrliginiň, Türkmenistanyň Magtymguly adyndaky Ýaşlar guramasynyň Merkezi Geňeşiniň, Türkmenistanyň Daşary işler ministrliginiň Halkara gatnaşyklary institutynyň bilelikde guramagynda 2026-njy ýylyň dekabr aýynyň I ongünlüginde Türkmenistanyň BMG-niň Baş Assambleýasynda 2028-nji ýyly “Halkara hukugyň ýyly” diýip yglan etmek baradaky başlangyjynyň öňe sürülmegi hem-de Halkara Bitaraplyk güni mynasybetli ýurdumyzyň ýokary okuw mekdepleriniň talyplarynyň we magistrleriniň arasynda “Bitaraplyk we halkara hukugy” atly halkara hukugynyň meseleleri boýunça çekişmeleri hem-de halkara guramalaryň model sessiýalaryny geçirmek üçin şu Düzgünnama işlenilip taýýarlanyldy.
I. MAKSADY WE WEZIPELERI
“Bitaraplyk we halkara hukugy” atly geçiriljek halkara hukugynyň meseleleri boýunça çekişmeleri hem-de halkara guramalaryň model sessiýalary talyp ýaşlaryň halkara hukugynyň kadalaryny durmuşa ornaşdyrmakda, diplomatik gepleşikleri alyp barmakda, jedelleri parahatçylyk ýoly bilen çözmekde, gapma-garşylykly ýagdaýlarynda dogry karar bermekde uly ýardam berer.
BMG-niň Baş Assambleýasynda Türkmenistanyň başlangyjy bilen wajyp halkara meseleleriň çözgüdine gönükdirilen köpsanly kararnamalarynyň kabul edilmegi abadançylygyň we durnukly ösüşiň esasy bolan bitaraplyk syýasatynyň dabaralanmasy we ýurdumyzyň ösüş arkaly parahatçylygy üpjün etmäge gönükdirilen umumadamzat bähbitli başlangyçlaryny durmuşa geçirmeklige itergi berer. Şeýle başlangyçlaryň dowamy hökmünde, 2028-nji ýyly «Halkara hukugyň ýyly» diýlip yglan etmek baradaky başlangyjynyň öňe sürülmegi dünýä döwletleriniň arasyndaky gatnaşyklaryň halkara hukugynyň umumy ykrar edilen kadalary esasynda alnyp barylmalydygyny aýdyň şöhlelendirýär. Şu nukdaýnazardan, halkara hukugynyň kadalaryny, olardan gelip çykýan hukuklaryny we borçlaryny berjaý etmekligiň esasynda döwletimiziň bitaraplyk hukuk derejesini has-da berkitmek hem-de milli bähbitlerini goramaga ukyply ýaş hünärmenleri ýüze çykarmak wajyp wezipeleriň hatarynda durýar.
II. ÇEKIŞMELERIŇ GEÇIRILIŞ TERTIBI WE ŞERTLERI
2.1. Çekişmeler Düzgünnamanyň 1-nji goşundysyna laýyklykda, ýurdumyzyň her ýokary okuw mekdebiniň özünde geçiriler;
2.2. Çekişmeler döwlet dilinde geçirilýär. Çekişmeler ýokary okuw mekdebiniň çäginde 5 (bäş) sany talyp/magistr gatnaşyp, olaryň arasyndan saýlanan 2 (iki) talyp/magistr bolsa, ýokary okuw mekdepleriniň arasynda geçiriljek model sessiýalaryna gatnaşyp biler;
2.3. Çekişmeler halkara hukugynyň esasy meselelerine bagyşlanyp, onda serediljek meseleler deslapdan Guramaçyk topary tarapyndan berler;
2.4. Çekişmelerde serediljek meseleler diňe halkara hukugynyň meselelerine degişli bolar;
2.5. Çekişmelere gatnaşjak toparlar we topara ýolbaşçylyk edýän mugallym baradaky maglumatlary 2026-njy ýylyň 1-nji noýabryna çenli aşakda görkezilen görnüşde (doc*) faýlynda hhkafedra@gmail.com salgysyna ugratmaly;
2.6. Çekişmeleriň ýokary okuw mekdeplerindäki tapgyry 2026-njy ýylyň 23-27-nji noýabr aralygynda geçiriler.
ÝOKARY OKUW MEKDEBINIŇ ADY
| T/b | Talybyň ady we familiýasy | Suraty | Ýyly, hünäri | Telefon belgisi | Elektron salgysy |
| 1. |
|
|
|
|
|
| 2. |
|
|
|
|
|
| 3. |
|
|
|
|
|
| 4. |
|
|
|
|
|
| T/b | Jogapkär mugallymyň ady we familiýasy | Suraty | Kafedrasy, wezipesi | Telefon belgisi | Elektron salgysy |
| 1. |
|
|
|
|
|
III. ÝOKARY OKUW MEKDEPLERINIŇ ARASYNDA GEÇIRILJEK HALKARA GURAMALARYŇ MODEL SESSIÝALARYNYŇ DÜZGÜNLERI WE ŞERTLERI
3.1. Ýokary okuw mekdebinde geçirilen çekişmelerde saýlanan 2 (iki) sany talyp/magistr, ýokary okuw mekdepleriniň arasynda geçiriljek halkara guramalaryň model sessiýalaryna gatnaşmaga hukuk gazanar;
3.2. Halkara guramalaryň model sessiýalaryna her ýokary okuw mekdebinden gatnaşjak talyplardan/magistrlerden garyşyk görnüşde bije çekmek esasynda toparlar dörediler we her toparlara ýörite alyp baryjy (moderator) belleniler;
3.3. Halkara guramalaryň model sessiýalarynda serediljek meseleler baradaky maglumatlary geçiriljek möhletinden 5 (bäş) gün öňünden Guramaçylyk topary tarapyndan elektron poçta arkaly iberiler;
3.4. Halkara guramalaryň model sessiýalary Türkmenistanyň Daşary işler ministrliginiň Halkara gatnaşyklary institutynda 2026-njy ýylyň dekabr aýynyň I ongünlüginde geçiriler.
IV. EMINLER WE GÖZEGÇILIK TOPARY
4.1. Halkara hukugynyň meseleleri boýunça talyp ýaşlaryň arasynda geçiriljek çekişmeleri hem-de halkara guramalaryň model sessiýalary üstünlikli geçirmek we jemini jemlemek maksady bilen emin agzalar hökmünde Magtymguly adyndaky Türkmen döwlet uniwersitetiniň, Halkara ynsanperwer ylymlary we ösüş uniwersitetiniň, Türkmenistanyň Daşary işler ministrliginiň Halkara gatnaşyklary institutynyň, Türkmenistanyň Döwlet, hukuk we demokratiýa institutynyň hem-de Türkmenistanyň Magtymguly adyndaky Ýaşlar guramasynyň Merkezi Geňeşiniň wekilleri, şeýle-de synçylar hökmünde halkara guramalaryň wekilleri gatnaşar;
4.2. Halkara guramalaryň model sessiýalarynda tapawutlanan talyplara/magistrlere Türkmenistanyň Magtymguly adyndaky Ýaşlar guramasynyň Merkezi Geňeşi tarapyndan sowgatlar we gurnaýjylar tarapyndan Hormat hatlary gowşurylar;
4.3. Halkara hukugynyň meseleleri boýunça talyp ýaşlaryň arasynda geçiriljek çekişmeleri hem-de halkara guramalaryň model sessiýalary baradaky maglumatlar Türkmenistanyň Daşary işler ministrliginiň Halkara gatnaşyklary institutynyň resmi web-saýtynda (iirmfa.edu.tm) ýerleşdiriler.
Habarlaşmak üçin:
Tel.: +99365632452,
+99365683200.
E-poçta: hhkafedra@gmail.com;
durliballyyeva@gmail.com;
Guramaçylyk topary