Birleşen Milletler Guramasynyň döredilen güni mynasybetli brifing geçirildi
2022-nji ýylyň 21-nji oktýabrynda Türkmenistanyň Daşary işler ministrliginiň Halkara gatnaşyklary institutynda Žurnalistikanyň nazaryýeti we amalyýeti kafedrasynyň guramagynda brifing geçirildi. Birleşen Milletler Guramasynyň döredilen gününiň 77 ýyllygy mynasybetli geçirilen bu brifinge Halkara žurnalistikasy fakultetiniň I, II, III ýyl talyplary gatnaşdylar.
Brifingde guramanyň döredilmeginiň maksady, wezipeleri, halkara gatnaşyklarynda tutýan orny hem-de häzirki wagtda alyp barýan işleri dogrusynda türkmen, rus, iňlis dillerinde çykyşlar edildi we özara sorag-jogap alşyldy.
Täsirli geçen brifingiň dowamynda tapawutly netijeleri görkezen toparlar saýlanyldy. Olardan Halkara žurnalistikasy fakultetiniň syýasy kommunikasiýa we internet žurnalistikasy hünäriniň I ýyl talyplary has-da tapawutlanmagy başardylar.
Gyzlargül ANNAGURDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň III ýyl talyby.
Şeýle hem bu barada şu ýerden okap bilersiňiz!