“Bir goşgynyñ teswiri” atly onlaýn duşuşyk geçirildi
2023-nji ýylyñ 20-nji maýynda Türkmenistanyñ Döwlet Medeniýet institutynyñ guramagynda Magtymguly Pyragynyñ 300 ýyllygy mynasybetli ýurdumyzyñ ýokary okuw mekdepleriniñ arasynda “Bir goşgynyñ teswiri” atly onlaýn döredijilik duşuşygy geçirildi. Sanly ugam arkaly geçirilen bu duşuşyga Türkmenistanyñ Daşary işler ministrliginiñ Halkara gatnaşyklary institutynyñ Halkara žurnalistikasy fakultetiniň talyplary hem gatnaşdy.
Onlaýn döredijilik duşuşygynyň dowamynda talyp ýaşlar Magtymguly Pyragynyñ goşgularyndan birini teswirlediler, akyldar şahyrymyzyñ goşgularyndan syrly setirleri aýdyp pikir alyşdylar, bir goşgyny saýlap, şol goşgyny çeperçilik taýdan derñediler. Şeýle-de talyp ýaşlar öz aralarynda Magtymguly Pyragynyñ döredijilik aýratynlyklary hakynda sorag-jogap alyşdylar we birek-birekden özlerini kanagatlandyrýan jogaplary aldylar.
Sanly ugam arkaly geçirilen bu duşuşyk ýaşlarda döwrebap pikir ýöretmeklik endigini kämilleşdirmekde, Magtymguly Pyragynyñ döredijiligine içgin gyzyklanma döretmekde uly ähmiýete eýe boldy.
Duşuşygyñ ahyrynda oňa gatnaşyjylar şeýle mümkinçilikleri döredip berýän Gahryman Arkadagymyza, Arkadagly Serdarymyza sagbolsunlaryny aýtdylar.
Berdigylyç ÝAZMYRADOW,
Türkmenistanyñ Daşary işler ministrliginiñ
Halkara gatnaşyklary institutynyñ
Halkara žurnalistikasy fakultetiniñ I ýyl talyby.