BILIMLI NESIL – RÖWŞEN GELJEK
Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň baştutanlygynda ýaşlar syýasaty aýratyn üns bilen amala aşyrylýar we ýaşlaryň bilim almak, hünär taýdan ösüş gazanmak mümkinçiliklerini giňeltmekde netijeli işler alnyp barylýar. Elbetde, döwletimiziň ösüşinde ýaş nesliň orny örän möhüm bolup, olaryň bilimli we döredijilikli bolmagy geljegiň möhüm binýadydyr.
Hormatly Prezidentimiziň “Ýaşlar – Watanyň daýanjy” atly kitabynda hem giňden bellenilişi ýaly, döwletimiziň ýaşlar syýasaty ýaş nesliň ýokary hilli bilimli, ruhy we beden taýdan sagdyn, döredijilikli we watançylyk ruhunda terbiýelenmegine gönükdirilendir. Ýaş raýatlaryň hukuk we durmuş taýdan goraglylygyny üpjün etmek, türkmen halkyna gadymdan bäri mahsus bolan ruhy-ahlak hem-de medeni gymmatlyklary dünýä ýaýmak, sagdyn durmuş ýörelgelerini wagyz etmek, ýaşlarda watansöýüjiligi, ynsanperwerligi, raýat jogapkärçiligini terbiýelemek, olaryň başlangyçlaryny goldamak we höweslendirmek milli strategiýanyň esasy ugurlarynyň hatarynda durýar.
Munuň aýdyň subutnamasy hökmünde, Türkmenistanyň Daşary işler ministrliginiň Halkara gatnaşyklary institutynyň uçurym ýyl talyplarynyň ýurdumyzyň daşary ýurtlardaky Ilçihanalarynda we konsullyk edaralarynda önümçilik-tejribeligine iberilmegi, geljekki ýaş diplomatlaryň diňe bir bilim taýdan däl, eýsem, tejribe, hünär we etika taýdan ösmeklerinde möhüm ähmiýete eýedir.
Ýaş nesilleriň bilimli, watansöýüji, ukyp-başarnykly, sagdyn hem-de kämil hünärmenler bolup kemala gelmeginde giň mümkinçilikleri döredýän Gahryman Arkadygymyza, Arkadagly Gahryman Serdarymyza berk jan saglyk, uzak ömür, abadan we bagtyýar durmuş hem-de eziz Watanymyzyň mundan beýläk-de gülläp ösmegi ugrunda alyp barýan tutumly işlerinde uly üstünlikleri arzuw edýäris!
Arslan SYÝAHATOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 5-nji ýyl talyby.