“Berkarar döwletiň bagtyýar talyplary”
“Halkyň Arkadagly zamanasy” diýlip atlandyrylan 2022-nji ýylyň 13-nji maýynda Türkmenistanyň Daşary işler ministrliginiň Halkara gatnaşyklary institutynyň Talyplar sport klubynyň guramagynda “Berkarar döwletiň bagtyýar talyplary” şygary astynda institutyň talyp oglanlarynyň arasynda sportuň woleýbol görnüşi hem-de talyp gyzlarynyň arasynda sportuň küşt görnüşi boýunça ýaryşlar geçirildi. Talyplaryň arasyndaky bäsleşik örän çekeleşikli we täsirli geçdi. Bu ýaryşlarda talyplar öz ukyp-başarnyklaryny görkezip, erjellik bilen ýaryşdylar.
Bilşimiz ýaly, ýurdumyzda beden hem-de ruhy taýdan kämil ýaşlary terbiýelemek esasy maksatlaryň biri bolup durýar. Şeýle hem, hormatly Prezidentimiziň tagallalary bilen bu ugurda alnyp barylýan işler oňyn netijelere eýedir.
Annagözel MEKANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň 2-nji ýyl talyby.