BEHIŞTI BEDEWLERIMIZ — BUÝSANJYMYZ WE ŞÖHRATYMYZ
2025-nji ýylyň 23-nji dekabrynda Türkmenistanyň Daşary işler ministrliginiň Halkara gatnaşyklary institutynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň ahalteke bedewlerine bagyşlanan eserleri boýunça okuw sapagy geçirildi. Institutyň Dünýä dilleri kafedrasy tarapyndan guralan bu çärä talyplar we mugallymlar işjeň gatnaşdylar. Okuw sapagyny Dünýä dilleri kafedrasynyň mugallym-öwrenijisi Hemragylyç Nurmämmedow alyp bardy.
Sapagyň dowamynda Gahryman Arkadagymyzyň ýiti zehininden dörän «Ahalteke bedewi — biziň buýsanjymyz we şöhratymyz», «Ganatly bedewler» hem-de «Atda wepa-da bar, sapa-da» atly eseleriniň mazmunyna giňişleýin seredildi.
Gatnaşyjylar öz çykyşlarynda türkmen medeniýetiniň aýrylmaz bölegi bolan ahalteke bedewleriniň taryhy, olaryň şan-şöhraty we milli mirasymyzdaky orny barada täsirli gürrüňleri berdiler. Aýratyn-da, Gahryman Arkadagymyzyň eserlerinde bedew bilen ynsanyň arasyndaky dostluk we wepalylyk barada beýan edilýän gymmatly maglumatlar talyplaryň kalbynda milli buýsanjy has-da belende göterdi.
Bu döredijilikli okuw sapagy talyp ýaşlaryň türkmen medeniýeti barada bilimini artdyrmakda we milli gymmatlyklarymyzy dünýä ýüzünde wagyz etmekde uly ähmiýete eýe boldy.
Akjagül ANNAÝEWA,
Türkmenistanyň Daşary işler ministrliginiň
Halkara gatnaşyklary institutynyň laboranty.