Ätiýaçlandyryş guramasy bilen geçirilen wagyz-nesihat çäresi
2022-nji ýylyň 30-njy sentýabrynda Türkmenistanyň Daşary işler ministrliginiň Halkara gatnaşyklary institutynda Aşgabat şäheriniň döwlet ätiýaçlandyryş guramasy tarapyndan betbagtçylykly hadysalardan meýletin ätiýaçlandyrmak we onuň ähmiýeti barada wagyz-nesihat çäresi geçirildi. Wagyz-nesihat çäresine Aşgabat şäheriniň döwlet ätiýaçlandyryş guramasynyň wekili B.Joraýew hem-de institutyň mugallymlarydyr talyplary gatnaşdylar.
Gatnaşyjylaryň çykyşlarynda esasan Türkmenistanyň hormatly Prezidentiniň 2019-njy ýylyň 8-nji aprelinde gol çeken “Ätiýaçlandyryş bilen baglanyşykly şikesiň agyrlyk derejesine laýyklykda tölenilmäge degişli ätiýaçlandyryş pul möçberini kesgitlemegiň tertibi” baradaky Karary dogrusynda gürrüň etdiler. Çäräniň dowamynda hormatly myhmana talyp ýaşlar özlerini gyzyklandyrýan sowallary bilen ýüzlendiler.
Bilbil BERDIÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň III ýyl talyby.