ÇEKELEŞIKLI GEÇEN BÄSLEŞIK
2023-nji ýylyň 10-njy iýulynda Türkmenistanyň Daşary işler ministrliginiň Halkara gatnaşyklary institutynda hereket edýän “Ýaş diplomatlar” ylmy gurnagynyň gurnamagynda “Öz oýnuň” atly akyl-paýhas bäsleşigi geçirildi. Oňa Halkara gatnaşyklary fakultetiniň talyplary gatnaşdylar.
Bäsleşigiň dowamynda dürli ugurlar boýunça sowallar berlip, talyplar özleriniň zehinlerini artdyrdylar. Çekeleşikli geçen bäsleşigiň netijelerine laýyklykda, Halkara gatnaşyklary we diplomatiýa hünäriniň II ýyl talyplary 1-nji orna, taýýarlygyň bakalawr ugrunyň Halkara gatnaşyklary hünäriniň I ýyl talyplary 2-nji orna, Halkara gatnaşyklary we diplomatiýa hünäriniň I ýyl talyplary bolsa 3-nji orna mynasyp boldular.
Bäsleşigiň rus dilinde geçirilmegi, talyplaryň dil bilim başarnyklaryny has-da ösdürmäge giňden ýardam etdi.
Hudaýberdi ROZYKOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
I ýyl talyby.