«Ahalyň» AFK Çempionlar ligasyndaky ilkinji öý duşuşygy
2023-nji ýylyň 19-njy sentýabrynda «Ahalyň» AFK Çempionlar ligasyndaky ilkinji öý duşuşygy geçirildi. «Ahal» — «Al-Feýha» oýnuna 19966 sany janköýer tomaşa etdi. Ol duşuşyga ýurdumyzyň dürli künjeklerinden gelen myhmanlar, ýokary okuw mekdepleriň, şeýle hem Türkmenistanyñ Daşary işler ministrliginiñ Halkara gatnaşyklary institutynyñ talyplary janköýerlik etdiler.
Duşuşyga iordaniýaly emin Adam Mahadmehiň ýolbaşçylygyndaky eminler topary eminlik etdi. Oýun 1:0 hasabynda «Ahalyň» ýeňşi bilen tamamlandy. Ýer eýelerine ýeňiş getiren ýeke-täk goly 51-nji minutda Elman Tagaýew «Al-Feýhanyň» derwezesine geçirdi.
Oýundan soňky metbugat konferensiýasynda Saud Arabystanynyň «Al-Feýha» toparynyň baş tälimçisi Wuk Raşowiç «Ahaly» on ikinji oýunçy hökmünde birkemsiz goldamagy başaran türkmen janköýerlerine ýokary baha berdi.
Ýeri gelende bellesek, «Ahal» AFK Çempionlar ligasynyň indiki tapgyrynda BAE-de «Al-Aýnyň» myhmany bolar. «Al-Feýha» bolsa Özbegistanyň «Pahtakoryny» kabul eder. Duşuşyklaryň ikisi hem 2023-nji ýylyň 3-nji oktýabrynda geçiriler.
Ogulgurban ÇARYGULYÝEWA,
Türkmenistanyñ Daşary işler ministrliginiñ
Halkara gatnaşyklary institutynyñ
Halkara žurnalistikasy fakultetiniñ
2-nji ýyl talyby.