AHALTEKE BEDEWLERI – ÝURDUMYZYŇ MILLI BAÝLYGYDYR
2025-nji ýylyň 30-njy maýynda Türkmenistanyň Daşary işler ministrliginiň
Halkara gatnaşyklary institutynda “Ahalteke bedewleri – ýurdumyzyň milli
baýlygydyr” atly okuw sapagy geçirildi. Okuw sapagyny “Türkmenistanyň at
gazanan atşynasy” diýen hormatly adyň eýesi, hususy atşynas Bäşimdurdy
Şadurdyýew alyp bardy. Okuw sapagynyň dowamynda halypa atşynas “Ahalteke
aty türkmen halkynyň beýik syrydyr” diýip bellemek bilen, Gahryman
Arkadagymyzyň bu beýik, gaýtalanmajak derejede kämil sungatyň syrlaryny
öwrenmek, dünýä ýaýmak, gorap saklamak ugrunda giň möçberli çäreleri durmuşa
geçirýändigi barada belläp geçdi.
Okuw sapagynyň soňunda talyp ýaşlar
türkmen bedewiniň aýratynlyklary barada sorag - jogap alyşdylar. Sapak örän
täsirli geçip, talyplarda goşmaça maglumatlary almaga mümkinçilik döretdi.
Perhat ÇARYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň uly mugallym