«Açyk gapylar» güni mynasybetli geçirilen çäre
2022-nji ýylyň 15-nji aprelinde Türkmenistanyň Daşary işler ministrliginiň Halkara gatnaşyklary institutynda «Açyk gapylar» güni mynasybetli Aşgabat şäherindäki 21-nji, 37-nji, 68-nji, 72-nji we 76-njy orta mekdepleriniň okuwçylary üçin ýokary okuw mekdebimiz bilen tanyşdyrylyş çäresi guraldy.
Çäräniň dowamynda mekdep okuwçylaryna ýokary okuw mekdebimiz barada institutymyzyň mugallymlary we talyplary tarapyndan maglumatlar berildi. Mekdep okuwçylary institutymyzyň baş binasynda guralan sergä gatnaşyp, onda kafedralaryň alyp barýan işleri, talyplaryň dürli ýyllarda ýurdumyzda we halkara derejesinde geçirilen bäsleşiklerde gazanan üstünlikleri bilen tanyşdylar. Şeýle hem çäräniň dowamynda okuwçylar institutda öwredilýän hünärler, kompýuter, internet, sinhron terjime we lingafon, interaktiw okuw otaglary, kitaphanalar, «Türkmen diplomatiýasynyň taryhy» muzeýi, okuw studiýasy, institutda hereket edýän Türkmenistanyň diplomatiýasynyň möhüm ugurlary boýunça okuw merkezi, Durnukly ösüş maksatlary boýunça ylmy-usulyýet merkezi, Ýaş diplomatlaryň mekdebiniň işi bilen içgin tanyşdylar. Ýokary okuw mekdebimiz barada geçirilen bu tanyşdyrylyş çäresi mekdep okuwçylarynda biziň institutymyza bolan gyzyklanmany has-da artdyrdy.
Arslan SYÝAHATOW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.
Şeýle hem bu barada şu ýerden okap bilersiňiz!