Tejribeli diplomat mugallymlar hakynda okuw sapagy geçirildi
2023-nji ýylyň 29-njy maýynda Türkmenistanyň Daşary işler ministrliginiň Halkara gatnaşyklary institutynda institutyň Halkara gatnaşyklary we diplomatiýa kafedrasynyň gurnamagynda türkmen diplomatiýasynyň tejribeli diplomatlary hakynda okuw sapagy geçirildi.
Okuw sapagyna institutyň talyp ýaşlary we mugallymlary gatnaşdylar. Okuw sapagynda baky Bitarap Türkmenistanyň alyp barýan syýasaty, ony amala aşyrmagyň serişdesi bolup durýan türkmen diplomatiýasynda uly yz goýan we ýurdumyzyň halkara abraýyny artdyrmakda ägirt uly goşant goşan ussat diplomatlar, ýagny halypa ilçiler, olaryň öz durmuşlarynda gazanan üstünlikleri we diplomatiýada gazanan baý tejribeleri barada talyp ýaşlar çykyş etdiler.
Bu okuw sapagy ýaşlar üçin türkmen diplomatiýasyny kemala getirmekde we ösdürmekde uly işleri amala aşyran halypa diplomatlaryň durmuş tejribesini öwrenmekde we olaryň bu ugurdaky bilimlerini has-da artdyrmakda uly ähmiýete eýe boldy.
Hojamyrat BAÝLYÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň
I ýyl talyby.