8-nji mart – Halkara zenanlar güni mynasybetli çäre geçirildi
2025-nji ýylyň 6-njy martynda Türkmenistanyň Daşary işler ministrliginiň Halkara gatnaşyklary institutynyň Halkara hukugy we deňeşirme hukuk öwreniş kafedrasynyň “Ýaş hukukçylar” ylmy gurnagynyň guramagynda Halkara hukugy hünäriniň talyplarynyň we mugallymlarynyň gatnaşmagynda 8-nji mart Halkara zenanlar güni mynasybetli bu senäniň döreýiş taryhy hem-de dünýäde bellenilişi hakynda dabaraly çäre geçirildi.
Çäräniň dowamynda talyplaryň taýýarlan Gahryman Arkadagymyzyň “Enä tagzym – mukaddeslige tagzym” atly kitabyndan rowaýatlary, goşgulary okadylar hem-de bu senäniň döreýiş taryhy, dünýä ýurtlarynda bellenilişi hakynda prezentasiýalary görkezdiler. Şeýle-de, “Ýaş hukukçylar” ylmy gurnagyna has işjeň gatnaşan talyp gyzlary 8-nji mart Halkara zenanlar güni bilen gutladylar.
Çäräniň ahyrynda “Ýaş hukukçylar” ylmy gurnagynyň agzalarynyň taýýarlan gutlag wideoroligi çäräni has-da gyzyklandyrdy.
Täzegül BAZARGELDIÝEWA,
Türkmenistanyň Daşary işler ministrliginiň
Halkara gatnaşyklary institutynyň Halkara
hukugy we deňeşdirme hukuk öwreniş
kafedrasynyň mugallym-öwrenijisi.