Ykdysady diplomatiýa ugry boýunça okuw sapagy
Berkarar döwletiň täze eýýamynyň Galkynyşy döwründe ähli ugurlar bilen birlikde Türkmenistanyň ykdysady diplomatiýasyny ösdürmek boýunça hem birnäçe işler ýerine ýetirilýär. 2023-nji ýylyň 2-nji martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Ykdysady diplomatiýa” ugry boýunça Türkmen döwlet ykdysadyýet we dolandyryş institutynyň talyplaryna “Emläge baha kesmek” atly tema boýunça okuw sapagy geçirildi.
Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň dosenti, teh.y.k. Öwezmyrat Bäşimow alyp bardy. Sapagyň dowamynda Türkmen diplomatiýasynyň kemala gelmegi, onuň ösmegi, taryhy döwürleri barada talyplara giňişleýin maglumatlar berildi. Okuw sapagynyň dowamynda talyplar özlerini gyzyklandyrýan birnäçe sowallar bilen mugallyma ýüzlenip, öz bilimlerini artdyrdylar.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.