Ýaş zehinleriň bäsleşigi
2023-nji ýylyň 17-nji maýynda Türkmenistanyň Daşary işler ministrliginiň Halkara gatnaşyklary institutynda Halkara hukugy we deňeşdirme hukuk öwreniş kafedrasynyň “Ýaş hukukçylar” ylmy gurnagynyň we “Ýaş alymlar geňeşiniň” bilelikde guramagynda Türkmenistanyň Konstitusiýasynyň we Türkmenistanyň Döwlet Baýdagynyň güni bäsleşik geçirildi. Bu bäsleşige türkmen diplomatiýasynyň milli mekdebiniň taýýarlygyň ugry boýunça bakalawr we hünär toparlarynyň 1-nji ýyl talyplary gatnaşdylar. Bäsleşigiň esasy maksady talyplaryň Türkmenistanyň Konstitusiýasy we Türkmenistanyň kanunçylygy bilen bagly bilimlerini berkitmekden, olaryň hukuk medeniýetini ýokarlandyrmakdan ybarat boldy. Bäsleşigiň netijeleri boýunça institutymyzyň taýýarlygyň bakalawr ugry boýunça bilim alýan 1-nji ýyl talyplar topary I orna mynasyp boldylar. Ýaryşda ýeňiji bolan toparyň talyplaryna gymmat bahaly sowgatlar gowşuryldy.
Akjagül ANNAÝEWA,
Türkmenistanyň Daşary işler ministrliginiň
Halkara gatnaşyklary institutynyň lobaranty.