Wengriýanyň premýer-ministri resmi sapary bilen Türkmenistanda
2023-nji ýylyň 8-nji iýunynda Wengriýanyň premýer-ministri Wiktor Orban resmi sapary bilen Türkmenistana geldi. Iki günlik resmi saparynyň dowamynda wenger Hökümetiniň baştutany türkmen halkynyň Milli Lideri, Türkmenistanyň Halk Maslahatynyň Başlygy bilen duşuşdy. Duşuşygyň dowamynda Türkmenistanyň Halk Maslahatynyň Başlygy we dostlukly ýurduň Hökümetiniň baştutany özara gyzyklanma bildirilýän giň ugurlar boýunça türkmen-wenger hyzmatdaşlygynyň häzirki ýagdaýy we ony mundan beýläk-de ösdürmegiň geljegi barada pikir alyşdylar. Ikinji möhüm ugry hökmünde bolsa söwda-ykdysady ulgam barada durlup geçildi. Türkmen-wenger gepleşikleriniň barşynda meseleleriň giň ugurlary ara alnyp maslahatlaşyldy we köptaraply hyzmatdaşlygy ösdürmäge, iki doganlyk döwletiň we olaryň dostlukly halklarynyň arasyndaky ynanyşmagy we özara düşünişmegi mundan beýläk-de, pugtalandyrmaga gönükdirilen möhüm ikitaraplaýyn resminamalaryň birnäçesine gol çekildi. Wengriýanyň premýer-ministriniň ýurdumyzdaky resmi sapary dowam edýär.
Perman HOJAMBERDIÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň II ýyl talyby.