Ulag diplomatiýa ugry boýunça okuw sapagy
2023-nji ýylyň 30-njy martynda Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkeziniň “Ulag diplomatiýa” ugry boýunça Türkmen döwlet maliýe institutynyň talyplarynyň gatnaşmagynda «Demirgazyk— Günorta» we «Gündogar—Günbatar» ugurlar boýunça üstaşyr ulag geçelgeleriniň« mümkinçilikleri atly temadan okuw sapagy geçirildi. Okuw sapagyny Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň uly mugallymy Perhat Çaryýew alyp bardy. Mugallym öz çykyşynda häzirki döwürde «Gazagystan — Türkmenistan — Eýran» demir ýol geçelgesiniň Gündogar Aziýadan Pars aýlagy ýurtlaryna iň gysga ýolunyň açylýandygyny belläp geçdi. Sapak sorag-jogap görnüşinde geçirildi. Okuw sapagynyň ahyrynda talyplar özlerini gyzyklandyrýan sowallara takyk jogap aldylar.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
kafedrasynyň mugallymy.