22/04/2024
604
“TURKMEN YOUTH4SDGS” ATLY OKUW SAPAKLARY DOWAM EDÝÄR
Birleşen Milletler Guramasynyň Ösüş Maksatnamasynyň Türkmenistandaky wekilhanasynyň, Türkmenistanyň Daşary işler ministrliginiň Halkara gatnaşyklary instituty bilen bilelikde 2030-njy ýyla çenli Durnukly ösüşiň ählumumy Gün tertibine Türkmenistanyň talyp ýaşlaryny çekmek maksady bilen “Turkmen Youth4SDGs” atly gurnaýan okuw sapaklarynyň täze tapgyry öz işini üstünlikli dowam edýär.
Türkmenistanyň Daşary işler ministrliginiň Halkara gatnaşyklary institutynyň Durnukly ösüş maksatlary boýunça ylmy-usulyýet merkezinde 2024-nji ýylyň 22-nji aprelinde geçirilen okuw sapagy Bütindünýä Ýer gününe bagyşlandy.
Okuw sapagynda BMG-niň Ösüş Maksatnamasynyň hünärmenleri Durnukly ösüş maksatlaryny iş ýüzünde amala aşyrmakda ýaşlaryň aýratyn ähmiýetli orny we ýurdumyzda daşky gurşawy goramak boýunça amal edilýän taslamalar barada giňişleýin gürrüň berdiler. Okuw sapagynyň ahyrynda talyplar özlerini gyzyklandyrýan soraglar bilen çykyş edenlere ýüzlendiler.
Ýupar EGIRJÄÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň III ýyl talyby,
Durnukly ösüş maksatlarynyň Ýaş ilçisi.