Türkmen wekiliýeti oba hojalygy boýunça «AGRITECHNICA – 2023» gatnaşýar
Hormatly Prezidentimiziň baştutanlygynda Berkarar döwletiň täze eýýamynyň Galkynyşy döwründe Türkmenistanyň dünýä ykdysadyýetine intgerirlenmegini hem-de daşary ýurtlar bilen gatnaşyklarynyň çuňlaşdyrylmagyny göz öňünde tutýan “Açyk gapylar” syýasaty işjeň alnyp barylýar. Ykdysady özgertmeler we durmuşa gönükdirilen bazar ykdysadyýetini emele getirmek boýunça çäreler yzygiderli amala aşyrylýar. Türkmenistanyň daşary ykdysady syýasaty daşary maýa goýumlaryny, kämil tehnologiýalaryny we dolandyryş tejribelerini çekmekligi, ýurdumyzyň ösüşini diwersifisirlemek, kämilleşdirmek maksady bilen dünýä bazaryna çykmaklygy göz öňünde tutýar.
Hormatly Prezidentimiziň dünýä döwletleri bilen söwda-ykdysady hyzmatdaşlygyny ösdürmek babatda ýygy-ýygydan berýän tabşyryklaryndan ugur alyp, häzirki wagtda Türkmenistan söwda-ykdysady hyzmatdaşlyk babatda dünýäniň ençeme döwleti bilen ysnyşykly gatnaşyklary ýola goýdy, şeýle hem alnyp barylýan hyzmatdaşlygy berkitmek we ykdysady hyzmatdaşlyk boýunça hökümetara toparlar döredilip, häzir olar netijeli işleri alyp barýarlar.
Hormatly Prezidentimiziň daşary syýasaty netijesinde Türkmenistanda maýa goýum taslamalaryny, şol sanda türk işewürleriniň Türkmenistanyň ykdysadyýetiniň esasy pudaklaryny özgertmegiň giň gerimli maksatnamalaryny amala aşyrmaga gatnaşmagy üçin oňaýly şertler döredilýär.
Türkmenistanyň Oba hojalyk ministrliginiň wekilleri hem-de Senagatçylar we telekçiler birleşmesiniň agzalary Germaniýanyň Gannower şäherinde geçirilýän oba hojalygy boýunça dünýäniň iň iri forumlarynyň biri bolan «AGRITECHNICA – 2023» sergisine gatnaşýar. 2023-nji ýylyň 12 — 18-nji noýabry aralygynda geçirilýän sergi 53 döwletden 2700-den gowrak gatnaşyjyny bir ýere jemledi. Foruma 135 ýurtdan 400 müň töweregi adamyň baryp görmegine garaşylýar.
Forumyň dowamynda türkmen wekiliýeti oba hojalyk pudagynyň netijeliligini artdyrmaga ýardam etjek sanly tehnologiýalary ornaşdyrmak babatda öňdebaryjy kompaniýalaryň tejribelerini öwrener.
Türkmenistanyň dünýä döwletleri bilen işjeň gatnaşygynyň ýola goýulmagy we yzygiderli ösdürilmegi biziň ýurdumýzda kabul edilýän milli Maksatnamalaryň üstünlikli ýerine ýetirilmegine özüniň saldamly goşandyny goşýar we Türkmenistanyň ýakyn wagtlarda dünýäniň ösen döwletleriniň hataryna ynamly goşulmagyna zerur bolan şertleri döredýär.
Sülgün NEPESOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.