TEBIGATYŇ GORAGYNDA
2023-nji ýylyň iýun aýynyň 17-ne Birleşen Milletler Guramasynyň Ösüş Maksatnamasy Çölleşmek we gurakçylyk güni mynasybetli bäsleşik yglan etdi. Bäsleşik ekologiýa meselelerini öz içine almak bilen dünýädäki çölleşme we gurakçylyk zerarly tebigata ýetirilýän zyýanyň öňüni almak, tebigaty mümkin bolan serişdeleriň üsti bilen goramak üçin maksatlaýyn çäreler bilen gurşaldy. Bu dabara gelip gowşan işler aýal-gyzlaryň jemgyýetdäki orny, olaryň hukuk meselelerini, tebigat, onuň eko-sistemasy we tokaý zolaklarynyň goralyşy baradaky pikirleri hem öz içine aldy.
Bäsleşikde poster, infografika, tablisalar, çyzgylar we çeper neşir işleriniň iň gowulary eminler topary tarapyndan saýlanylyp alyndy. 2023-nji ýylyň 11-nji awgustynda bu çäräniň sylaglanylyş dabarasy geçirildi. Meniň bu bäsleşige hödürlän neşir işim tebigaty goramaklyga bagyşlanan işleriň arasynda üçünji baýrakly orna mynasyp boldy. 2024-nji ýylyň 21-nji martynda bu bäsleşikde baýrakly orunlara mynasyp bolan awtorlar ýurdumyzyň Lebap welaýatynda geçiriljek Halkara tokaý gününe gatnaşyp, eko-kompaniýanyň guraýan sergisinde öz işleri bilen çykyş ederler.
Bakydurdy GARAÝEW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň talyby.