Talyp türgeniň halkara üstünligi
4 – 7-nji maý aralygynda Türkiýe Respublikasynyň Stambul şäherinde Aşihara karate boýunça Ýewraziýanyň çempionaty geçirildi. Oňa Türkmenistanyň milli ýygyndy topary hem gatnaşdy. Ýaryşda türkmen türgenleriniň birnäçesi baýrakly orunlara mynasyp boldular. Has takygy, milli ýygyndymyzyň düzüminde çykyş eden Türkmenistanyň Daşary işler ministrliginiň Halkara gatnaşyklary institutynyň halkara ykdysady gatnaşyklary fakultetiniň 2-nji ýyl talyby Dürdäne Nazargylyjowa öz agram derejesinde birinji orny eýelemegi başardy. Talyp türgeniň bu üstünligi ýurdumyzda sporty we bedenterbiýäni ösdürmek üçin Arkadagly Serdarymyz tarapyndan edilýän tagallalaryň nobatdaky miwesidir. Geljekde hem türkmenistanly türgenleriň dünýäniň sport arenasynda ýaşyl Tugumyzy belentde pasyrdatmaklaryny arzuw edýäris.
Jahantäç ÖWEZOWA,
Türkmenistanyň Daşary işler ministrliginiň
Halkara gatnaşyklary institutynyň talyby,
«Biznes reklama».
Makala "Biznes reklama" gazetinde 08.05.2023 senesinde çap edildi.
https://metbugat.gov.tm/newspaper?id=10233