OKUW SAPAGY GEÇIRILDI
2026-njy ýylyň 16-njy fewralynda Türkmenistanyň Daşary işler ministrliginiň Halkara gatnaşyklary institutynda Indoneziýa Respublikasynyň Türkmenistandaky Adatdan daşary we Doly ygtyýarly Ilçisi jenap Rolliansýah Soemirat bilen okuw sapagy geçirildi. Oňa Indoneziýa Respublikasynyñ Eýran Yslam Respublikasyndaky Ilçihanasynyñ wekilleri, Türkmenistanyñ Daşary işler ministrliginiñ Halkara gatnaşyklary institutynyň mugallymlary we talyp ýaşlary gatnaşdylar.
Okuw sapagynyñ dowamynda hormatly Ilçi Türkmenistan bilen Indoneziýa Respublikasynyň arasyndaky syýasy-diplomatik, söwda-ykdysady, medeni-ynsanperwer ugurlar boýunça ýetilen sepgitler we durmuşa geçirilen işler barada, şeýle hem özüniň baý iş we durmuş tejribesi hakynda gyzykly gürrüň berdi. Şeýle--de okuw sapagynyñ dowamynda bilim, sport, syýahatçylyk we nebit-gaz ulgamlaryny goldamak boýunça amala aşyrylýan bilelikdäki taslamalaryň hem-de maksatnamalaryň işjeňleşýändigi barada aýratyn bellenilip geçildi.
Täsirli geçen duşuşygyň ahyrynda talyplar hormatly myhmana özlerini gyzyklandyrýan sowallary berdiler.
Eneş GURBANDURDYÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy fakultetiniň 2-nji ýyl talyby.