Okamak — baýlyk
— Berkarar döwletiň täze eýýamynyň Galkynyşy döwri has-da belent sepgitleri nazarlaýar. Munuň şeýledigine ýurdumyzda durmuşa geçirilýän beýik işler hem kepil geçýär. Talyp bolmazymdan öň, ýurdumyzyň ösüşlerini giňden wagyz edýän «Türkmenistan» gazetinde zähmet çekmegim söz sungatyna bolan sarpamy has-da artdyrdy. Bu ýokary okuw mekdebini tamamlap hem žurnalistika hünärinde işlemek meniň baş maksatlarymyň biri.
«Watan ikinji enedir» diýilýär. Watanymyzyň goýnunda biz şeýle bagtly günlere ýetýäris. Biziň ähli barlyklarymyz we baýlyklarymyz şu mukaddes toprak bilen baglanyşykly. Öz saýlap alan hünäriniň eýesi bolan talyp deň-duşlaryma-da şeýle işleri amal etmekde üstünlikler arzuw edýärin. Bize şeýle döwrebap binalarda okamaga, ösen tehnologiýalardan oňat baş çykarmaga, kämil bilim almaga döredip berýän ajaýyp mümkinçilikleri üçin Milli Liderimize, Arkadagly Gahryman Serdarymyza köp sag bolsun aýdýaryn.
Baýnazar BAÝHANOW,
Türkmenistanyň Daşary işler ministrliginiň
Halkara gatnaşyklary institutynyň halkara žurnalistikasy fakultetiniň talyby:
Çeşme: «Biznes reklama» gazeti - 02.09.2024 ý. //