Biziň buýsanjymyz
Ynam — uly borç
Döwletimiz tarapyndan ýaşlaryň halkara hyzmatdaşlygyndaky ornuna, mümkinçiligine we olara bildirilýän ynama aýratyn ähmiýet berlen Arkadag Serdarly bagtyýar ýaşlar ýylynyň taryhy gününde ýaş mugallym hökmünde Türkmenistanyň Daşary işler ministrliginiň Hormat haty we gymmat bahaly sowgady bilen sylaglanmagym mende buýsanç, guwanç, şol bir wagtyň özünde jogapkärçilik duýgularyny oýarýar. Çünki türkmen diplomatiýasynyň milli mekdebinde giň we sagdyn dünýägaraýyşly, ýurduň daşary syýasatyny dabaralandyrmakda mynasyp goşant goşjak, watansöýüji, zehinli ýaş nesli terbiýelemekde biz — ýaş mugallymlara uly ynam bildirilýär. Ynama mynasyp bolmak – uly mertebe, ynamy ödemek – abraý. Ynam bar ýerinde borç bar. Bu günki sylaga mynasyp bolan ýaşlar halypalaryň şägirtlere siňdirilen yhlasynyň netijesidir.
Ýaşlara uly ynam bildirýän, halypa-şägirtlik gatnaşyklaryna uly mümkinçilik döredýän türkmen halkynyň Milli Lideri Gahryman Arkadagymyza, Arkadagly Gahryman Serdarymyza köp sagbolsunymy aýdýaryn. Goý, türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň janlary sag bolsun, belent başlary aman bolsun! Täze 2024-nji ýylda hem ýaşlarymyzyň üstünlikleriniň gadamy batly bolsun!
Mährijemal MÄMEDOWA,
Halkara ykdysady gatnaşyklary kafedrasynyň uly mugallymy.