“Änew – TÜRKSOÝ-yň medeni paýtagty’’
2024-nji ýylyň 4-nji noýabrynda türkmen diplomatiýasynyň milli mekdebi bolan Türkmenistanyň Daşary işler ministrliginiň Halkara gatnaşyklary institutynda Ýaş diplomatlaryň mekdebiniň, şeýle hem “Paýhas we parasat” ylmy gurnagynyň guramagynda Ýaş diplomatlaryň mekdebiniň agzalary bolan mekdep okuwçylarynyň we talyp ýaşlaryň gatnaşmagynda “Änew – TÜRKSOÝ-yň medeni paýtagty” atly okuw sapagy geçirildi.
Bu okuw sapagynyň dowamynda institutymyzyň Jemgyýeti öwreniş ylymlary kafedrasynyň mugallymy Änew medeniýetiniň şöhratly taryhy, onuň taryhy ýadygärlikleri, deňsiz-taýsyz medeniýeti barada Ýaş diplomatlaryň mekdebiniň agzalaryna we talyp ýaşlara ylmy esasda giňişleýin gürrüň berdi.
Okuw sapagynyň ahyrynda Ýaş diplomatlaryň mekdebiniň agzalary bolan mekdep okuwçylar we talyp ýaşlar özlerini gyzyklandyrýan sowallar bilen ýüzlenip, olara anyk jogaplary aldylar.
Güljemal ORAZOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetiniň I ýyl talyby.