«ZYÝANLY ENDIGIŇ ZELELI» ATLY WAGYZ-NESIHAT DUŞUŞYGY
2026-nji ýylyň 25-nji maýynda Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň guramagynda talyp ýaşlaryň arasynda Türkmenistanda temmäkä garşy göreşmek, sagdyn durmuş ýörelgesiniň ähmiýeti, zyýanly endikleriň adam saglygyna ýetirýän ýaramaz täsirleri dogrusynda ýaşlara düşündirmek maksady bilen «Zyýanly endigiň zeleli» atly wagyz-nesihat duşuşygy geçirildi. Duşuşykda institutyň şepagat uýasy Gülbegi Mämmetsähedowa, Halkara ykdysady gatnaşyklary kafedrasynyň mugallymy, institutyň ilkinji Zenanlar guramasynyň başlygy Gyzylgül Gurbanmuhamedowa dagylar çykyş etdiler.
Çykyş edenler häzirki wagtda Gahryman Arkadagymyzyň, Arkadagly Gahryman Serdarymyzyň baştutanlygynda ähli halkymyzyň, esasan-da ýaş nesliň sagdyn, ruhubelent bolup ýetişmekleri ugrunda birnäçe işleriň amala aşyrylýandygy, bu babatda talyp ýaşlaryň hem öz mynasyp goşandyny goşmalydygy, temmäki önümleriniň zyýanly netijeleriniň ýüze çykmagynyň garşysyna berk göreşmelidigi barada belläp geçdiler.
Gülzada ANNASÄHEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň 1-nji ýyl talyby