ZEHINLI ÝAŞLAR – ÝAGTY GELJEGE ÝOL
Ýakynda ýurdumyzyň orta mekdepleriniň 11-nji synp okuwçylarynyň arasynda Birleşen Milletler Guramasy tarapyndan yglan edilen Bilimler güni mynasybetli Türkmenistanyň Daşary işler ministrliginiň Halkara gatnaşyklary institutynyň Magtymguly adyndaky Ýaşlar Guramasynyň Merkezi geňeşi bilen bilelikde «Watanyň daýanjy - bilimli ýaşlar, Arkadag Serdaryň guwanjy ýaşlar!» atly Türkmenistanyň taryhy, matematika, türkmen dili, iňlis dili dersleri boýunça olimpiadanyň I tapgyry geçirildi.
I tapgyra ýurdumyzyň orta mekdepleriniň zehinli ýaşlarynyň 500-den gowragy gatnaşyp, olaryň 165-si II tapgyra gatnaşmaga hukuk gazandylar. Olimpiadanyň II tapgyryny şu aşaky tertipde geçirmek meýilleşdirilýär:
1. 22.04.2023 – Aşgabat şäheri we Ahal welaýaty – Türkmenistanyň Daşary işler ministrliginiň Halkara gatnaşyklary institutynda;
2. 24.04.2023 – Balkan welaýaty – Ýagşygeldi Kakaýew adyndaky Halkara nebit we gaz uniwersitetiniň şahamçasynda;
3. 25.04.2023 – Daşoguz welaýaty – Türkmen oba hojalyk institutynda;
4. 26.04.2023 – Lebap welaýaty – S.Seýdi adyndaky Türkmen döwlet mugallymçylyk institutynda;
5. 27.04.2023 – Mary welaýaty – Türkmen Döwlet energetika institutynda.
Olimpiadada ýer alan hem-de oňa işjeň gatnaşan mekdep okuwçylary gurnaýjylar tarapyndan taýýarlanan Hormat hatlary we ýadygärlik sowgatlary bilen institutda 2023-nji ýylyň 8-nji maýynda geçiriljek «Açyk gapylar» gününde sylaglanarlar.
Söhbet ATAÝEW,
Türkmenistanyň Daşary işler ministrliginiň
Halkara gatnaşyklaryň institutynyň
Okuw bölüminiň hünärmeni.