Zehinli talyplarymyzyň täze üstünlikleri
2023-nji ýylyň 22-29-njy oktýabry aralygynda Özbegistan Respublikasynyň Nukus şäherinde talyplaryň arasynda Al-Horezmi adyndaky II Halkara Matematika olimpiadasy (2nd Al-Khorezmi International Mathematical Olympiad, AKHIMO) geçirildi. Holkara derejesinde geçen olimpiada dünýäniň dürli ýurtlarynyň ýokary okuw mekdeplerinden zehinli talyplaryň ençemesi gatnaşdylar.
Bu halkara bäsleşige Türkmenistanyň Daşary işler ministrliginiň Halkara gatnaşyklary institutyndan hem Halkara ykdysady gatnaşyklary kafedrasynyň uly mugallymy, fizika-matematika ylymlarynyň kandidaty Gaplaň Esenamanowyň taýýarlan talyplar topary işjeň gatnaşyp, baýrakly orunlara mynasyp boldular. Örän çekeleşikli geçen Al-Horezmi adyndaky II Halkara Matematika olimpiadasynda biziň ýokary okuw mekdebimiziň talyplary ýokary netije görkezip, Halkara ykdysady gatnaşyklary fakultetiniň 2-nji ýyl talyplary Goçmyrat Penjiýew II orna, Muhammetnur Garabaýew III orna mynasyp boldular. Bäsleşigiň ýeňijilerine degişli diplomlar gowşuryldy.
Dawut GEZEROW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň
I ýyl talyby.