ÝYLYŇ GÖRELDELI WAGYZÇYSY
Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Serdarymyzyň parasatly baştutanlygynda kabul edilýän taryhy çözgütler, berk binýat goýulýan beýik tutumlar, amala aşyrylýan beýik işler ýurdumyzyň her bir raýatyny biparh goýmaýar. Halkyň bähbidine gönükdirilýän işlere ýurdumyzyň ykdysadyýetiniň dürli pudaklarynda zähmet çekýän raýatlar bilen bir hatarda ylym-bilim ulgamynyň wekilleri hem mynasyp goşant goşýarlar. Munuň aýdyň mysaly hökmünde Türkmenistanyň Demokratik partiýasynyň Syýasy Geňeşi tarapyndan yglan edilen “Ýylyň göreldeli wagyzçysy” bäsleşiginde Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary kafedrasynyň müdiriniň w.w.ý.ý., uly mugallym Perhat Çaryýewiň ýeňiji bolmagyny görkezip bileris.
“Ýylyň göreldeli wagyzçysy” bäsleşigi hormatly Prezidentimiziň alyp barýan adalatly, ynsanperwer, hoşniýetli, parahatçylyk söýüjilikli içeri we daşary syýasatyny, amala aşyrylýan beýik işlerini wagyz-nesihat etmek, jemgyýetçiligi arassa, halal zähmete ruhlandyrmak ugrunda alnyp barylýan işlere mynasyp goşant goşýan raýatlarymyzy bu ugurdaky işlerde has-da höweslendirmek we olaryň içinden iň göreldelisini saýlamak maksady bilen yglan edilen we ýylyň dowamynda ýokary zähmet üstünliklerini görkezen, döwlet syýasatyny dabaralandyrmaga mynasyp goşant goşan raýatlarymyzyň arasyndan iň mynasybyny saýlamak arkaly geçirilýär. Türkmenistanyň Demokratik partiýasynyň Syýasy Geňeşi tarapyndan her ýyl geçirilmegi asylly däbe öwrülen bu bäsleşigiň geçirilmegi partiýanyň işgärleriniň, agzalarynyň, partiýa guramaçylarynyň we wagyzçylarynyň ýylyň tutuş dowamynda alyp baran işlerine ýokary baha bermäge uly ýardam edýär.
“Halkyň Arkadagly zamanasy” ýylynyň hem “Ýylyň göreldeli wagyzçysy” diýen adyna mynasyp bolan uly mugallym Perhat Çaryýew hormatly Prezidentimiziň oýlanyşykly içeri we daşary syýasatyny, ýurdumyzda gazanylýan zähmet üstünliklerini diňe bir talyplaryň arasynda däl-de, köpçülikleýin habar beriş serişdeleri arkaly halkymyza hem yzygiderli ýetirýän ýaş wagyzçylaryň arasynda öňdäki orunlary eýeleýär. Perhat Çaryýewiň “Ýylyň göreldeli wagyzçysy” diýen adyna mynasyp bolmagy hormatly Prezidentimiziň saýasynda ujypsyzja çekilýän zähmete uly baha berilýändiginiň nyşanydyr.
Biz hem “Ýylyň göreldeli wagyzçysy” diýen adyna mynasyp bolan mugallymymyza “Arkadag Serdarly bagtyýar ýaşlar” ýylynda hem Gahryman Arkadagymyzyň, hormatly Prezidentimiziň halkyň bähbidine gönükdirilen içeri we daşary syýasatyny wagyz etmekdäki alyp barýan işlerinde uly üstünlikleriň ýar bolmagyny arzuw edýäris.
Sona HALYKOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň talyby.
Şeýle hem bu barada şu ýerden okap bilersiňiz: