Ýurdumyzda Bütindünýä welosiped güni bellenilýär
2024-nji ýylyň 3-nji iýunynda Aşgabat şäherinde Arkadagly Gahryman Serdarymyzyň gatnaşmagynda Bütindünýä welosiped güni mynasybetli köpçülikleýin welosiped ýörişi geçirildi. Oňa sport janköýerleriniň hatarynda Türkmenistanyň Daşary işler ministrliginiň Halkara gatnaşyklary institutynyň talyplary hem gatnaşdylar.
Ýokary derejede guralan Bütindünýä welosiped güni aýratyn ähmiýete eýedir. Sagdynlyk, dostluk we ynsanperwerlik ýörelgelerine ygrarlylyk ýaly umumadamzat gymmatlyklarynyň ähmiýetini açyp görkezýän bu baýram, özara ynanyşmak we düşünişmek ýörelgelerine esaslanýan netijeli hyzmatdaşlygy ýola goýmagyň nyşany hökmünde sporty giňden wagyz etmek üçin uly mümkinçilikleri açýar.
Bütindünýä welosiped gününi diňe bir biziň ýurdumyz däl, eýsem, Türkmenistanyň başlangyjy esasynda 2018-nji ýylyň 12-nji aprelinde Birleşen Milletler Guramasynyň Baş Assambleýasy tarapyndan kabul edilen degişli Kararnama esasynda her ýylyň 3-nji iýunynda dünýäniň ençeme döwletlerinde bellenilýär.
Gülüstan JOMARTOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 1-nji ýyl talyby.