Ýurdumyzda ählihalk bag ekmek dabarasy ýokary ruhubelentlikde geçirildi
2026-njy ýylyň 21-nji martynda bahar paslynyň gelmegi we Halkara Nowruz gününiň bellenilýän günlerinde ýurdumyzyň ähli künjeginde bolşy ýaly, paýtagtymyzda hem köpçülikleýin bag ekmek dabarasy geçirildi. Tebigaty goramak we ekologiýa medeniýetini ösdürmek ugrundaky bu asylly çärä Türkmenistanyň Daşary işler ministrliginiň Halkara gatnaşyklary institutynyň mugallymlarydyr talyp ýaşlary hem gatnaşdylar.
Täze nahallary ekmek bilen bir hatarda, ozal bar bolan baglara talabalaýyk ideg etmek işleri hem ýokary derejede alnyp baryldy.
Bu çäre diňe bir daşky gurşawy abadanlaşdyrmak däl, eýsem, ýurdumyzy ýaşyl bagy-bossanlyga öwürmek boýunça durmuşa geçirilýän döwlet maksatnamasynyň amaly beýanyna öwrüldi. Ýokary ruhubelentlikde geçirilen ählihalk bag ekmek dabarasy ýurdumyzyň ähli künjeginde giňden ýaýbaňlandyryldy.
Selbi BATYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 2-nji ýyl talyby.
Bu barada şu ýerde hem okap bilersiňiz: