ÝOL HEREKETINIŇ HOWPSUZLYGYNA BAGYŞLANAN OKUW SAPAGY
2026-njy ýylyň 10-njy sentýabrynda Türkmenistanyň Daşary işler ministrliginiň Halkara gatnaşyklary institutynda “Ýol hereketiniň howpsuzlygy ömrümiziň rahatlygy” atly biraýlygyň çäklerinde Halkara gatnaşyklary we diplomatiýa kafedrasynyň “Ýaş diplomatlar” ylmy gurnagynyň gurnamagynda ýol hereketiniň belgileri boýunça okuw sapagy geçirildi. Okuw sapagyny kafedranyň mugallymy Rahym Akmuradow alyp bardy.
Okuw sapagynyň dowamynda talyplara ýol hereketiniň düzgünleri boýunça düşündirişler, maslahatlar, geçelgeli ýerlerden geçmek, ýol yşyklaryna üns bermek, ýollarda tertip-düzgüni dogry berjaý etmek, pyýadalaryň we ýolagçylaryň borçlary, şeýle hem, ýol hereketiniň belgileri barada giňişleýin gürrüň edildi.
Sapagyň ahyrynda ýol hereketi boýunça soraglara jogaplar berildi. Şeýle hem ýol hereketi boýunça talyplaryň hem pikirleri diňlenildi.
Oguljan SERDAROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara gatnaşyklary fakultetniň 1-nji ýyl talyby