Ýol hereketiniň howpsuzlygy — ömrümiziň rahatlygy
2026-njy ýylyň 21-nji sentýabrynda Türkmenistanyň Daşary işler ministrliginiň Halkara gatnaşyklary institutynda “Ýol hereketiniň howpsuzlygy — ömrümiziň rahatlygy”atly biraýlygyň çäklerinde bu ýokary okuw mekdebiniň Dünýä dilleri kafedrasynyň “Lingvo World” ylmy gurnagynyň guramagynda ýol hereketiniň howpsuzlygyna bagyşlanan söhbetdeşlik duşuşygy geçirildi.
Çäräniň çäklerinde ýol hereketiniň düzgünlerini giňişleýin düşündirmek we olaryň bozulmagy bien bagly ýagdaýlaryň öňüni almak barada durlup geçildi. Ýol hereketiniň düzgünleriniň her bir raýat üçin möhümdigi we olary berk berjaý etmegiň zerurlygy barada giňişleýin maglumat berildi. Şeýle hem ilatyň arasynda ýol-ulag hadysalarynyň we düzgün bozulmalarynyň döredýän ýaramaz netijeleri barada gürrüňdeşlikler geçirildi. Çäräniň dowamynda Halkara žurnalistikasy fakultetiniň 1-nji ýyl talyby Leýla Jumageldiýewa “The Road Safety” temasy bilen, Halkara gatnaşyklary fakultetiniň 1-nji ýyl talyplary Bibimerýem Muhammetnurowa we Oguljan Serdarowa “Road Traffic Safety Rules”, Halkara Hukugy fakultetiniň 1-nji ýyl talyby Myrat Jeýhunow “Road Safety-Peace of Mind”. Halkara ykdysady gatnaşyklary fakultetiniň 1-nji ýyl talyby Medine Hudaýberdiýewa “Road Safety is a Safety of Our Life” temalarynda çykyş etdiler.
Talyplar tarapyndan taýýarlanylan prezentasiýalar ýol hereketiniň düzgünlerini berjaý etmegiň wajyplygynyň aýdyň subutnamasy boldy.
Bu geçirilen çäre ýaşlaryň hem-de raýatlaryň ýol hereketindäki jogapkärçiligini we medeniýetini ýokarlandyrmaga, ýollardaky howpsuzlygyny hem-de parahatlygyny üpjün etmäge uly goşant goşdy.
Aýlar BERDIMYRADOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň 1-nji ýyl talyby