YKDYSADY DIPLOMATIÝA BOÝUNÇA DUŞUŞYK GEÇIRILDI
2024-nji ýylyň 11-nji martynda Türkmenistanyň Daşary işler ministrliginiň Halkara gatnaşyklary institutynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň 3-nji Antalýa diplomatiýa forumyndaky taryhy çykyşynyň ähmiýeti hakynda seminar geçirildi. Bu duşuşyga Türkmenistanyň Telekeçiler we Senagatçylar birleşmesiniň müdiriýet agzasy Şamuhammet Annaýew hem-de institutyň talyplary gatnaşdylar.
Duşuşykda tejribeli hünärmen Ş.Annaýew häzirki wagtda ykdysadyýetiň we durnukly ösüşiň binýatlyk nusgalary hakynda öňe süren başlangyçlaryň ähmiýeti we onuň döretmegiň mümkinçilikleri boýunça Gahryman Arkadagymyzyň eden çykyşy barada giňişleýin gürrüň berdi.
Seminaryň dowamynda hormatly myhmana talyplar özlerini gyzyklandyrýan birnäçe sowallar bilen ýüzlenip, duşuşygyň has-da täsirli geçmegine goşant goşdular.
Gyzylgül GURBANMUHAMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.