Ýeňşe beslenen bäsleşik
Ýurdumyzda zehinli ýaşlary ýüze çykarmak maksady bilen dürli ugurlar boýunça bäsleşikler geçirilip durulýar. Şeýle bäsleşikleriň biri 2022-nji ýylyň 16-njy fewralynda Türkmen döwlet maliýe instituty tarapyndan ýokary okuw mekdepleriniň talyplarynyň arasynda «Kompýuter ylmy» atly onlaýn bäsleşigi geçirildi we onuň jemleri jemlendi. Bu bäsleşige Türkmenistanyň Daşary işler ministrliginiň Halkara gatnaşyklary institutynyň Halkara ykdysady gatnaşyklary fakultetiniň III ýyl talyby Jahangir Polatbaýew hem gatnaşyp, III orna mynasyp boldy. Ýurdumyzyň tehnologiýa kuwwaty halkara hyzmatdaşlygynyň giň gerime eýe bolýan döwründe has-da uly ähmiýete eýe bolýar. Bagtyýar ýaşlar döredilýän mümkinçiliklerden ugur alyp, innowasion tehnologiýalary öwrenmegiň döwrebap usullaryndan peýdalanýarlar. Biz hem ýurdumyzda, institutymyzyň abraýyny artdyryp, üstünlik gazanan talyp deň-duşumyza şeýle buýsançly baýraklarynyň höwrüniň köp bolmagyny tüýs ýürekden arzuw edýäris.
Resul GYLYJOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary
fakultetiniň I ýyl talyby.