ÝAŞLAR HOWANYŇ ÜÝTGEMEGI BILEN BAGLY HEREKETLER ÜÇIN: TÜRKMENISTANDA HOWANYŇ ÜÝTGEMEGI BOÝUNÇA HEREKETLERE GOŞANT GOŞMAK UGRUNDA ÝAŞLAR BAŞLANGYÇLARYNYŇ ÝOL KARTASY BOÝUNÇA TEGELEK-STOL MASLAHATY
2024-nji ýylyň 25-nji ýanwarynda Türkmenistanyň Daşary işler ministrliginiň Halkara gatnaşyklary institutynda Ýaşlar howanyň üýtgemegi bilen bagly hereketler üçin: Türkmenistanda howanyň üýtgemegi boýunça hereketlere goşant goşmak ugrunda ýaşlar başlangyçlarynyň ýol kartasy boýunça tegelek-stol maslahaty geçirildi. Tegelek-stol maslahatynyň maksady Türkmenistanda howanyň üýtgemegi boýunça hereketlere goşant goşmak ugrunda ýaşlar başlangyçlarynyň ýol kartasyny durmuşa geçirmek boýunça kesgitlenen hereketleriň meýilnamasyny ara alyp maslahatlaşmak we düzmek üçin meýdançany döretmekden ybaratdyr. Şeýle hem tegelek-stol maslahaty «ýaşyl» geljegiň hatyrasyna ýaşlaryň habarlylygyny, maglumatlylygyny ýokarlandyrmaga we mümkinçiliklerini peýdalanmaga gönükdirilendir.
Tegelek-stol maslahatyna BMG-niň Türkmenistandaky hemişelik utgaşdyryjysynyň edarasynyň we BMG-niň Ösüş Maksatnamasynyň wekilleri, Türkmenistanyň Daşary işler, Bilim we Daşky gurşawy goramak ministrlikleriniň wekilleri, ýurdumyzyň dürli ýokary okuw mekdepleriniň ýaş mugallymlary we talyp ýaşlary, hem-de Durnukly ösüş maksatlarynyň ýaş ilçileri gatnaşdylar.
Tegelek-stol maslahatynyň dowamynda BMG-niň Türkmenistandaky hemişelik utgaşdyryjysynyň edarasynyň wekili M.Keşiýew, BMG-niň Ösüş Maksatnamasynyň «Türkmenistanda şäherleriň durnukly ösdürilişi: Aşgabatda we Awazada ýaşyl şäherleriň toplumlaýyn ösdürilişi» taslamasynyň hünärmeni J.Durdykowa, Halkara ynsanperwer ylymlary we ösüş uniwersitetiniň Menejment kafedrasynyň uly mugallymy G.Seýilbaýewa, Türkmen oba hojalyk institutynyň Bagbançylyk we gök ekerançylyk kafedrasynyň öwreniji mugallymy M.Ahmedowa, Seýitnazar Seýdi adyndaky Türkmen döwlet mugallymçylyk institutynyň Biologiýa we ony okatmagyň usulyýeti kafedrasynyň mugallymy E.Meredow, Türkmenistanyň Döwlet energetika institutynyň Energiýany tygşytlamagyň tehnologiýalary kafedrasynyň mugallymy M.Nursähedow, Ýagşygeldi Kakaýew adyndaky Halkara nebit we gaz uniwersitetiniň Ylym bölüminiň hünärmeni T.Baýramgeldiýew we Senagat ekologiýasy kafedrasynyň mugallymy B.Welhanow, Durnukly ösüş maksatlarynyň ýaş ilçileri G.Aýydowa we M.Allaberdiýewa çykyş etdiler.
Çykyşlaryň dowamynda Türkmenistanly ýaşlaryň howanyň üýtgemegi bilen döreýän ýagdaýlaryň derejesini peseltmäge hem-de howanyň üýtgemegine garşy göreşmekde alnyp barylýan hereketlere işjeň gatnaşýandygy barada aýdyldy.
Töfe HOŞANOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara hukugy we deňeşdirme öwreniş
kafedrasynyň öwreniji mugallymy
Şeýle hem bu barada şu ýerden okap bilersiňiz: