«Ýaş ykdysatçylar» ylmy gurnagynyň duşuşygy geçirildi
2024-nji ýylyň 17-nji dekabrynda Türkmenistanyň Daşary işler ministrliginiň Halkara gatnaşyklary institutynda Halkara ykdysady gatnaşyklary kafedrasynyň guramagynda «Ýaş ykdysatçylar» ylmy gurnagynyň duşuşygy geçirildi. Duşuşyga Halkara ykdysady gatnaşyklary kafedrasynyň dosenti, tehniki ylymlaryň kandidaty Öwezmyrat Bäşimow gatnaşdy. Bu duşuşygy Halkara ykdysady gatnaşyklary fakultetiniň III ýyl talyby Güljeren Ataýewa alyp bardy.
Sapagyň dowamynda Halkara ykdysady gatnaşyklary fakultetiniň III ýyl talyby Güljeren Ataýewa «Ekologiýany we daşky gurşawy gorap saklamak, ýaşyl ykdysadyýetiň milli ykdysadyýete ornaşdyrylyşy», şol fakultetiň IV ýyl talyby Wepa Karaýew «Aşgabat demir ýol menziliniň işini logistikanyň nukdaýnazaryndan guramagy öwrenmek» atly temalar bilen çykyş etdiler we gatnaşyjylaryň soraglaryna giňişleýin jogap berdiler. Şeýle-de Halkara ykdysady gatnaşyklary kafedrasynyň dosenti, tehniki ylymlaryň kandidaty Öwezmyrat Bäşimow daşky gurşawy goramakda sirkulýar ykdysadyýetiň orny barada maglumatlary gatnaşýanlara gürrüň berdi.
Duşuşygyň ahyrynda talyplar, magistrantlar halypa mugallyma ýüzlenip, özlerini gyzyklandyrýan sowallaryna giňişleýin jogap aldylar.
Agahan AGAHANOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň IV ýyl talyby.