ÝADYGÄRLIKLER TOPLUMYNA GEZELENÇ
2025-nji ýylyň 2-nji oktýabrynda Türkmenistanyň Daşary işler ministrliginiň Halkara gatnaşyklary institutynyň ilkinji Ýaşlar guramasynyň şeýle-de ilkinji Zenanlar guramasynyň bilelikde guramagynda “6-njy oktýabr – Hatyra güni” mynasybetli Aşgabat şäherinde ýerleşýän “Halk hakydasy” ýadygärlikler toplumyna gezelenç guraldy. Oňa institutymyzyň mugallymlary we talyplary gatnaşdylar.
Gezelenjiň dowamynda taryhda Watanymyzyň asudalygy, halkymyzyň agzybirligi ugrunda janyny gurban edip, bizi şeýle eşretli durmuşa ýetiren beýik şahsyýetlerimiziň ýadygärlikleri synlanylyp, olaryň geçen şöhratly we gahrymançylykly ýollary baradaky gyzykly maglumatlar diňlenildi. Munuň özi talyp ýaşlarda watansöýüjilik, ruhubelentlik ýaly asylly häsiýetleriň kemala gelmeginde örän möhüm ähmiýete eýe boldy.
Täsirli gezelenjiniň dowamynda Watan gahrymanlarymyzy sarpalamaga we olaryň şöhratly edermenliklerini çuňňur öwrenmäge döredip berýän giň mümkinçilikleri üçin hormatly Prezidentimize çäksiz alkyşlar aýdyldy.
Mahym KAKAÝEWA,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary fakultetiniň IV ýyl talyby.