Wideorolik bäsleşiginiň jemi jemlendi
2021-nji ýylyň 18-nji dekabrynda Türkmenistanyň Daşary işler ministrliginiň Halkara gatnaşyklary institutynda Žurnalistikanyň nazaryýeti we amalyýeti kafedrasynyň “Ýaş žurnalistler” ylmy-döredijilik gurnagynyň guramagynda Halkara žurnalistikasy fakultetiniň I – V ýyl talyplarynyň arasynda “Türkmenistanyň Bitaraplygy parahatçylygyň, howpsuzlygyň we durnukly ösüşiň ilçisidir” atly wideorolik bäsleşigi geçirildi. Talyplar Watanymyzyň baky Bitaraplygyny, hormatly Prezidentimiziň tagallasy bilen ýurdumyzyň halkara gatnaşyklarynda gazanan üstünliklerini, umumadamzat başlangyçlaryny çeper mazmunly wideoşekilleriň üsti bilen taýýarladylar. Bäsleşigiň netijeleri boýunça Halkara žurnalistikasy fakultetiniň Syýasy kommunikasiýa we internet žurnalistikasy hünäriniň taýýarlygyň bakalawr ugry boýunça toparynyň talyplary ýeňiji diýip yglan edildi.
Bäsleşigiň ahyrynda talyplar okamaga, öwrenmäge we her bir işe döredijilikli çemeleşmäge döredýän uly mümkinçilikleri üçin hormatly Arkadagymyza sag bolsun aýtdylar.
Meňli HOJAMUHAMMEDOWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň
II ýyl talyby.