09/12/2023
1020
Wideorolik bäsleşigi geçirildi
2023-nji ýylyň 9-njy dekabrynda baky Bitaraplygymyzyň şanly 28 ýyllygy mynasybetli Türkmenistanyň Daşary işler ministrliginiň Halkara gatnaşyklary institutynda Žurnalistikanyň nazaryýeti we amalyýeti kafedrasynyň guramagynda, «Türkmenistanyň Bitaraplygy parahatçylygyň, howpsuzlygyň we durnukly ösüşiň ilçisidir» atly tema boýunça Halkara žurnalistikasy fakultetiniň talyplarynyň arasynda wideorolikleriň bäsleşigi geçirildi. Oňa her talyp öz taýýarlan wideoroligini hödürledi. Bäsleşikde görkezilen wideolarda ýurdumyzyň çar künjüniň hem-de merjen şäherimiz Aşgabadyň mermer binalary, tebigatymyzyň gözellikleri öz beýanyny tapdy. Emin agzalaryň gelen netijelerine görä, I orna Kemal Welmämmedow, II orna Suraý Nazarowa, III orna Merjen Orazdurdyýewa dagy mynasyp boldular. Ýeňiji talyplar degişli Hormat hatlary bilen sylaglandylar.
Hangeldi BAÝRAMOW,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby.