WIDEOARAGATNAŞYK ARKALY DABARALY MASLAHAT
2021-nji ýylyň 8-nji oktýabrynda Türkmenistanyň Daşary işler ministrliginiň Halkara gatnaşyklary institutynyň, Myrat Garryýew adyndaky Türkmenistanyň Döwlet lukmançylyk uniwersitetiniň, S.A.Nyýazow adyndaky Türkmen oba hojalyk uniwersitetiniň, Maýa Kulyýewa adyndaky Türkmen milli konserwatoriýasynyň, Türkmenistanyň Telekomminikasiýalar we informatika institutynyň, Döwletmämmet Azady adyndaky Türkmen milli dünýä dilleri institutynyň, Türkmenistanyň Inžener-tehniki we ulag kommunikasiýalary institutynyň,
Ýagşygeldi Kakaýew adyndaky Halkara nebit we gaz uniwersitetiniň ilkinji Zenanlar guramalarynyň guramagynda “Arkadagly döwürde - bagtyýar zenanlar” atly wideoaragatnaşyk arkaly dabaraly maslahat geçirildi. Duşuşykda çykyş edenler hormatly Prezidentimiziň ýaşlary watansöýüjilik ruhunda terbiýelemekde, milli mirasymyza hormat goýmakda, zähmete söýgi döretmekde, millilik, maşgala mukaddesligi, arassa ahlaklylyk, sagdyn durmuş ýörelgelerini ündemekde zenanlaryň hem möhüm orny eýeleýändigi barada öz halkyna peşgeş berýän atalyk kitaplarynda beýan edilýändigi barada belläp geçdiler hem-de hormatly Prezidentimiziň “Enä tagzym-mukaddeslige tagzym”, “Arşyň nepisligi”, “Janly rowaýat”, “Türkmeniň döwletlilik ýörelgeleri”, “Garaşsyzlyk – bagtymyz” atly ajaýyp eserleriniň many-mazmunyny giňişleýin açyp, ýaşlara düşündirdiler. Wideoaragatnaşyk arkaly geçen dabaraly maslahatyň dowamynda Maýa Kulyýewa adyndaky Türkmen milli konserwatoriýasynyň mugallymlarynyň ýerine ýetiren aýdym-sazly çykyşlary bolsa maslahatyň täsirli bolmagyna getirdi.
Merjen AŞYROWA,
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň I ýyl talyby