Wideo aragatnaşyk arkaly duşuşyk geçirildi
2025-nji ýylyň 31-nji iýulynda Türkmenistanyň Maliýe we ykdysadyýet ministrliginde Aziýa ösüş bankynyň wekilleriniň hem-de maslahatçysynyň gatnaşmagynda Bütindünýä Söwda Guramasyna girmek boýunça gepleşikleri geçirmekde meseleleri ara alyp maslahatlaşmak boýunça iş maslahaty geçirildi.
Wideoaragatnaşyk arkaly geçirilen iş maslahatyna ýurdumyzyň degişli ministrlikleriň we pudaklaýyn dolandyryş edaralarynyň wekilleri, şol sanda Türkmenistanyň Daşary işler ministrliginiň Halkara gatnaşyklary institutynyň mugallymlary hem gatnaşdylar.
Iş maslahatynyň dowamynda Türkmenistanyň Bütindünýä Söwda Guramasyna girmek bilen, ilkiniji nobatda, dünýä bazarlarynda bäsdeşlige ukyply ulgamlarynyň ösüşini işjeňleşdirmegi, söwda-ykdysady hyzmatdaşlygyň umumy kabul edilen ýörelgelerini peýdalanmagy dogrusynda pikir alşyldy.
Amanmyrat MYRADOW,
Türkmenistanyň Daşary işler ministrliginiň
Halkara gatnaşyklary institutynyň
Halkara ykdysady gatnaşyklary kafedrasynyň mugallymy.